प्रेस सेन्टर चितवनले महान सहिद वरिष्ठ पत्रकार एवं साहित्यकार कृष्ण सेन ईच्छुकको २० औ स्मृति दिवस मनाएको छ ।

शुक्रवार भरतपुरको चौबीसकोठीमा दीप प्रज्वलन गरि सेन्टरले ईच्छुकले पत्रकारिता र साहित्यमा पुर्याएको योगदानलाई स्मरण गरेको हो ।

प्रेस सेन्टर जिल्ला समन्वय समितिका अध्यक्ष सुर्य पाठकको अध्यक्षतामा भएको कार्यक्रममा माओवादी केन्द्रका जिल्ला सचिव द्रोण बाबू सिवाकोटीको प्रमुख आतिथ्यता रहेको थियो ।

कार्यक्रममा प्रेस सेन्टरका केन्द्रीय सदस्य , प्रदेश सदस्य जिल्ला र महानगरका पदाधिकारी एवं सदस्यहरुको उपस्थिति रहेको थियो । साथै प्रेस युनियनका जिल्ला अध्यक्ष अनिल ढकाल पत्रकार महासङघ चितवनका अध्यक्ष नारायण अधिकारी लगायत पत्रकारको उपस्थिति रहेको थियो ।

कार्यक्रममा वक्ताहरूले ईच्छुकको सरल जीवन र पत्रकारिता एवं साहित्यका क्षेत्रमा पुर्याएको योगदानको चर्चा गरेका थिए । कार्यक्रम सेन्टरका जिल्ला सचिव रवि अधिकारीको सहजिकरणमा भएको थियो ।