पाँच दलीय गठवन्धनका शिर्ष नेताहरुले भरतपुरमा गठवन्धन सफल भएको वताएका छन ।  नेपाली काङग्रेसका सभापति राजेश्वर खनालले भरतपुरमा गठबन्धन पूर्ण रुपमा सफल भएको वताउनुभयो । “उहाँले भन्नुभयो केही वडामा हामी असक्षम भयौ यसलाई मनन गरेर आगामी दिनमा यस्ता गल्ती हुन दिने छैनौ ।”  अवको नेतृत्वले प्रजातन्त्रलाई संस्थागत रुपमा बलियो वनाउदै लैजाने खनालले बताउनुभयो । उहाँले निर्वाचन सफल बनाउन सहयोग गर्ने सम्पूर्णलाई धन्यवाद दिनुभएको छ ।

यस्तै गठवन्धको अर्कोे दल नेकपा माओवादी केन्द्रका जिल्ला संयोजक रामचन्द्र अधिकारीले भरतपुरमा गठवन्धन सानदार रुपमा सफल भएको बताउनुभएको छ । “भरतपुरमा प्रतिगमन विरुद्धको राजनितिक मिसनमा एकताबद्ध भएर लड्यौ उहाँले भन्नुभयो यसमा हामी सफल भएका छौ ।” उहाँले नवनिर्वाचित जनप्रतिनिधिले महानगरको विकासमा एकतावद्ध भएर काम गर्ने विश्वास व्यक्त गर्नुभएको छ ।

यसैविच नेकपा एकिकृत समाजवादीका चितवन जिल्ला उपाध्यक्ष कृष्णराज न्यौपानेले भरतपुरमा ९९ प्रतिशत गठवन्धन सफल भएको वताउनुभयो । “उहाँले भन्नुभयो  प्रतिगमन विरुद्ध लडेका हौ यो क्रममा गठबन्धन भित्र  केही  कमजोरी देखिएका छन त्यसको समिक्षा गरेर निष्कर्ष निकाल्नुपर्छ । ” न्यौपानेले पाटी निर्माण भएको ८ महिनामा भएको स्थानिय निर्वाचनमा भरतपुरमा राम्रो स्थान बनाएको बताउनुभयो ।

भरतपुर महानगरमा भर्खरै सम्पन्न मत परिणाममा नेकपा माओवादीको उम्मेदवार रेनु दाहाल मेयरमा निर्वाचित हुनुभएको छ । यस्तै उपमेयरमा नेपाली काङग्रेसका उम्मेदवार चित्रसेन अधिकारी निर्वाचित हुनुभएको छ ।