भरतपुर महानगरपालिकाको मेयरमा नेपाली काङग्रेका नेता दीर्घमान श्रेष्ठले पनि दाबी गर्नुभएको छ । गठवन्धनमा भरतपुरको मेयर काङग्रेसको भागमा परे आँफू स्वभाविक दावेदार भएको श्रेष्ठको भनाई छ । “मसँग भरतपुरको विकासको लागि आफ्नै प्लान र भिजन छ , देश विदेशको महानगर सञ्चालनको ज्ञान छ श्रेष्ठले भन्नुभयो ।” शालिन, ईमान्दार, अध्ययनशिल शैक्षिक व्यक्तित्व श्रेष्ठ हाल नेपाली काङग्रेस वाग्मती प्रदेश कोषाध्यक्ष हुनुहुन्छ ।
लोकतन्त्रको पहरेदार नेता श्रेष्ठ युवा तथा व्यवसायीहरुको माझमा परिचित अनुहार हो । पछिल्लो समयमा युवाहरुले काङग्रेसबाट महानगरको मेयर दीर्घमान श्रेष्ठ हुनुपर्ने आवाज उठाईरहेका छन ।
नेपाल चेम्बर अफ कमर्सका केन्द्रिय सदस्य तथा चितवन चेम्बर अफ कमर्सका अध्यक्ष समेत रहनुभएका श्रेष्ठको नाम मेयरमा चर्चा हुन थालेपछि भरतपुर क्षेत्रका व्यवसायीहरु खुसी भएका छन ।
मेयरमा श्रेष्ठ निर्वाचित भए आफूहरुको समस्या समधान हुनेमा व्यवसायीहरु आशावादी देखिन्छन । व्यवसायसँगै काङग्रेसको सक्रिय राजनितिमा सक्रिय रहनुभएका श्रेष्ठ यसअघि तरुण दलको केन्द्रिय सचिव, तरुण दलको विदेश विभाग प्रमुख, पटक पटक चितवनबाट महाधिवेशन प्रतिनिधि र महासमिति सदस्य भएर काम गरिसक्नुभएको छ ।
