योङ्ग कम्युनिष्ट लिग (वाईसीएल) चितवनले सङगडनका जिल्ला सदस्य एवं कालिका नगर ईन्चार्ज नवराज घलान माथि भएको घटनाको घोर भत्र्सना गरेको छ ।
कालिका नगरपालिका वडा नं. ३ को जनप्रिय टोलमा एमालेबाट निर्वाचित वडाअध्यक्षले भुमिहिन सुकुम्बासी र अव्यवस्थित बसोबासिलाई मनखुशी निस्सा बितरण गर्न लागे पछि असन्तुष्ट सहजीकरण समितिका सदस्य घलानले सो कदमको विरोध गर्दा वडाअध्यक्ष निकट व्यक्तिले कुटपिट गरेको वाईसीएलले विज्ञप्तिमार्फत दावी गरेको छ ।
विहिवार वाईसीएल जिल्ला ईन्चार्ज राम गोदार र सचिव राजु भुषालले विज्ञप्ति जारी गर्दै घटनामा संलग्न व्यक्तिलाई कारवाहीको दायरामा ल्याउन माग गरेका छन ।
जनताको पक्षमा आवाज उठाउँदा कुटपिटमा उत्रने एमाले जनताको पाटी नभएको वाईसीएलको ठहर छ । कुटपिटमा संलग्नलाई कानुनी दायरामा नल्याए वाईसीएलले कडा प्रतिवाद गर्ने बताएको छ ।
